صور من حياتنا

^{صور من حياتنا}

^{سعدا وسعديّه ضراير
عملو مشكل عا المصروف
سعدا من بيت النايحه
وسعديه من بيت مخلوف}

^{وبالحاره صار أستنفار
ضرب كفوف وسحب سيوف}

^{سعدا بإيدا سكين
ومع سعديه كلاشنكوف}

^{لمّا شفت الشغله جدّ
قلت لازم روح وردّ
عا خصري حطيت الفرد
وطلعت من داري تا شوف}

^{سعديه تقول بديني
ما عاش اللي بيرميني
وسعدا تتطلّع فيني
ومكسور بأنفا الغضروف}

^{تهدّو علينا يا جيران
حارتنا حلبة ثيران
بتقول امريكا وإيران
واللعب صار عا المكشوف}

^{و علوش جوز التنتين
عا طول من بيتو هربان
عايش ايامو بالدين
يوم طفران و يوم منتوف}

^{ولك شو القصه يا جاري
قلّي عم طفّي ناري
نشالله بيروحو التنتين
وندر بدي ادبح خاروف
٧/١٢
عماد فجر بعريني}