زجل
لا تقلّي الحاله مليحه
وبكرا بتهون
الظاهر صايبتك نفخه
اشرب كمّون
العالم صارت بالحسره
وعليها ديون
وما عنّا شي عم يطلع غير الدولار
عملو هيصه ببلادي
وحطو قانون
ولادي راحو بالطوفه
وبيتي مرهون
بيطلعلك واحد عرصا
وخرّيج سجون
عا كيفو بدّو علينا يحطّ الأسعار
حاجه تحكي بالهمس وتحكي بالسرّ
تحضر أخبار الدنيا
وتقعد تشترّ
وحاجه تخوّن الكويت
ومعها قطر
ونحنا يلّي بيحكمنا اوسخ تجار
خليك بنومك غارق
عمرك ما تفيق
اللعبه صارت مكشوفه
بطّل تصفيق
وللايراني والروسي
مبلّش تسويق
صار خوفي منّك عا ولادي يا رفيق
وبكرا إن صرلك فرصه
تهاجم بشار
وتقول للناس البرّا
كنت مجبور
ويصير عا كيفك بدك تعمل دستور
بعرف لو حطوك شاهد
رح تشهد زور
ويمكن تطلع عا الحرّه بأسم الاحرار
٧/٣١
عماد فجر بعريني
