رزق الله عا العربيات
وعا ايام العربيات
كان يركب عا ضهر الكرّ
صار بيركب سيارات
وصار مفكّر حالو الربّ
ونزلت بأسمو الآيات
قبل الأحداث بسنتين
ما معو بجيبو الفين
ويجيب المته بالدين
صار بيسهر بالبارات
مضى سنّ الطفوله
عا الخبزه والهبّوله
وبقي لا سنّ العشرين
يلبس غوما بلا جرابات
وبيّو كان متلو جوعان
عايش أيامو بالدين
عبّى جيوبو وصار مليان
وبيلبس بدله وكرافات
من كتر ما لحق نسوان
صار شكلو متل الفدان
كان يخدم بفرع لبنان
ومتعوّد عا التشبيحات
ولادو ما راحو عا الحرب
ونصنّ صار بدول الغرب
واحد جبلو إعفاءات
والتاني بالإمارات
عندو شاليه بالمنطار
وكروم شرقي ميعار
وعندو ارض بالبيسار
وبيتين بقلب الحمرات
عندو عقارات بحمص
وشقه بـ مزه ڤيلات
ولمّا بيقعد بين الناس
بيصير يبيع وطنيات
يا ربي عا هيك ناس
لازم تعمل تنزيلات
٤/٦
عماد فجر بعريني
