جاري من مرتو بيخاف
إذ بيشوفا بقلب الدار
ويوميّه من الصبحيّات
بتقلّو يلّا يا حمار
ويوميّه بدها باكيت
دخان ومته وبوشار
والقاضي اللي كان يحكم مات
بتبلش بالختيار نقار
بيقلّا أمرك سيدي
ولساتو عليها بيغار
شايفها ومانو مصّدق
وجايب منها سبعه بذار
وجارتنا جسما مليان
وفردة صدرا كيلايين
عليا شعر عا السيقان
وطولو شبرين المنخار
ومراتو جسما لبيّس
وساكن بمخّا ابليس
مسكين جاري عتريس
مظلوم وتحت الحصار
عا الطالع بدها عمله
وعا النازل بدها عمله
بـ راسا خمسين قمله
غير اللي بيجو زوّار
وجارتنا متل القرقا
وجها بيقطع الرزقا
إذ طلعت ريحة عرقا
بتغطي سهل عكار
العفو منكن يا نسوان
اللي متل جارتنا كتار
٤/١٨
عماد فجر بعريني
