جاري علوش عندو بغل
أشقر ومتعوب عليه
سمّاه النمر الوردي
والحقيقه أسمو عليه
عاملّو غرفه مع دار
وأخدلو بطرطوس شاليه
كلّ الناس بتدعيلو
وبتترحمّ عا اللي ربّاه
لمّا بيمشي بالحاره
بتذكّر ايام الشاه
ومين ما زار حارتنا
بيكون عا الركبه اشتهاه
عا راسو خرزه زرقا
وحداوي بأسفل رجليه
لمّا اللي بيضرب طناب
صوتو بيوصّل لا الغاب
بيعمل ضجّه بسلحب
وهزّه بـ حمص وحماه
ولمّا بينهق بالحاره
بتسمع صوتو عشر ضيوع
وموسيقى سمفونيه
وغازات بيطلق وراه
علوش بدّو يبيعو
حسيتو مقهور عليه
قلي وحياتك يا جار
كل شبر بـ ندر مربّاه
٣/١٩ عماد فجر بعريني
