جاري شيوعي من السبعين وحاطط صورة غيڤارا

^{جاري شيوعي من السبعين
وحاطط صورة غيڤارا}

^{بيلبس بدله وبرينطين
وعلى عيونو نضّاره}

^{وبدارو صورة لينين
حاططها بالصداره}

^{لمّا اللي بيبلش تنظير
صوتو بيعبّي الحاره}

^{ولمّا اللي بيزعل بيصير
تطلع معو الحراره}

^{ساعه بيطلع ضدّ الاسد
وأحيانا بيهاجم قسد}

^{بدو يغير وضع البلد
وبدّو يشكّل وزاره}

^{ما عد نعرف شو بدّو
مو شايف حدا قدّو
إذا مرقت من حدّو
بتفقع معك المراره}

^{بيحكي بالماركسيه
وبالشراكه الروسيه
وبالأزمه الهندوسيه
مع طايفة الهازارا}

^{سافر لعند الالمان
وها السفره حلمو من زمان
قالو عم يلحق نسوان
صاير عندو سياره}

^{ساعه بيحكي عن كوبا
وساعه بأسم العروبه
وساعه مع علي دوبا
وساعه مع بسام جعاره}

^{عا الماركسيه زعلان
شو دخلو عليّا اوغاد
حكيو بأسم المحرومين
وأشتغلو بالتجاره
شيوعي نسخه عن البعث
وشيوعي عقلو إخوان}

^{شيوعي بيوقف ضدّ الروس
وشيوعي بيصفّق للروس}

^{وشيوعي مع حزب الله
وشيوعي مع المختاره}

^{وهوّر يا بو الهوّاره
٧/٩
عماد فجر بعريني}