جاري توظّف بالهلال

^{جاري توظّف بالهلال
وقلي ها الشغله مليحا}

^{فيها قادر تجمع مال
وتاكل يوميه دبيحه}

^{كمّل حكيو جاري وقال
القصه ما بّدا رسمال
تكون من قطيع الاندال
ومن الناس النبّيحه}

^{مال اليتيم كلناه
الشهيد رجعنا قتلناه
الوطن بكم ليره بعناه
نحنا ملوك الشبيحه}

^{عنا برغل عنا زيت
شوادر بطانيات
نحنا جمعنا المليارات
نحنا وجوه القبيحه}

^{تا تشبع حمّص وعدس
شرط تكون من حزب البعث
او مسؤول بالماضي أختَلس
وعندك عشرين فضيحه}

^{بكل ضيعه في قلّيح
عم بيتاجر بالجريح
باع ضميرو بكرتونه
ولسا بلادي جريحه
٧/٢٣
عماد فجر بعريني}