جاري بعثي من الستين وبأخلاقو عمل تقنين صرلو حوافر صرلو نياب

^{جاري بعثي من الستين
وبأخلاقو عمل تقنين}

^{صرلو حوافر صرلو نياب
بعد انقلاب السبعين}

^{صار بالحاره عامل ديك
وصار قوّام عا القوميين}

^{كان لما يكتب تقرير
كتاباتو كذب وتزوير
جمع حواليه عراير
وقذارة تجار الدين}

^{وقال الفزعه يا عربان
بدنا نحرر فلسطين}

^{لمّا عطيوه المنبر
صار عا الحاره يتجبّر
جاري طويل وأشقر
بتقول بيّو بنيامين}

^{اذا بدك للمظبوط
جاري متل الاخطبوط
من كتر ما نسج خيوط
انبسطو فيه الغربيين}

^{من كتر ما كان شفّاف
العالم كانت منّو تخاف
كان بعهد بريجينيف
يهاجم امريكا والصين}

^{وغطّى راسو ب صباط
فرده شمال وفرده يمين}

^{بالسرّ بيمدح باراك
ساعه بيزور الاتراك
وساعه بنشوفو ما يحجّ
بأرض الإيرانيين}

^{صار يحكي بأسم الكل
وبلّش بحارتنا يذلّ
بالحاره عنا ما ضلّ
غير اللي متلو وسخين}

^{يا جاري ما حسبت حساب
أنّو ها الدنيا دولاب
انت اللي ربيّت كلاب
طلعو الكلّ جعاريين
٧/١٠
عماد فجر بعريني}