بين الشفّه والشفّه ضاعت غزه والضفّه

بين الشفّه والشفّه
ضاعت غزه والضفّه
صار خوفي من حركة فتح
                تقول رام لله بتكفّي 

 وحياتك يا بو مازن
               بدّي أعملّك زفّه 

 وصار خوفي من بو مازن
من جنين يرضى بغرفه
ويفوّض محمد دحلان
                 كلّ الأحرار يصفّي 

 وتسيڤي اسم لله عليّا
بالدعاره محترفه
وحياتك يا سنيوره
                بو مازن ما بيكفي 

 وخوفي إن قرّب عا الصدر
بالأقصى يعملّك قبر
وفيه يوميّه يصلي الضهر
          وحماس تزورو بالمخفي 

 وخوفي من أول بكّه
سلمان يدخل بالشركه
وتصير بأسمك مكه
         وبن سلمان جمراتو يطفّي 

 عندي حدس رح يبلش لحس
والفكّ يضيع بها القفّه
ويطلع من عندك سكران
            ويقضي عمرو بلا عفّه

 أستعجلتي يا ختياره
وطلع ضربك بخساره
كان بدك عزمي بشاره
           كنتي رقصتي عا الدفّه 

 وصار خوفي من قريع يغار
           ويلاقي لعباس صرفه

 أو بكرا يروح عريقات
         يقوم يسجلك عرفي 

 وشلّح يدعي لا قمّه
ويختلفو عند الخلفه
وحماس بدّا المولود
شيخ وعا راسو لفّه
عماد فجر بعريني
 الصوره مأخوذه من احد الاصدقاء