بلادي وطن مجروح
من نكسة حزيران
بعدك ببالي يا أخو حوران
وبعدا معي بارودة السلطان
أشتقنا عا مجدل شمس
عا قنيه وفيق
عاكلّ ذره من ربى الجولان
جرحي عليها من العمر خمسين
يليّ دبحنا تخاذل العربان
الجولان إلنا مين قال أنباع
غير بالحرب والدم ما بيرجع
ومهما علينا تكاترو لضباع
السوري شعب جبّار ما بينهان
يا أخو حمص وحما
وأسكندرن
يا نجمة المشرق
عا سفح حرمون
يا زهرة الشام
وشموخ قاسيون
جولان يا اسم محفور بالوجدان
مسعده بتبقى ارض سوريا
والغجر وأزعور وطبريا
واللوز والتفاح والسنديان
يا خاين ويا محتل
صوت رصاصنا رح تسمع
عا كل حاره وبيت
بالجولان رح نرجع
وراية بلدنا الشامخه
رح نرفع
من الارض رح نطلع
من التلّه من الوديان
بكرا بحرب تحرير شعبيه
رح ترجع الجولان سوريي
بلادي كرامه
وعزّ مع عنفوان
الوطن مو سهل
وصخور مع كثبان
سوري انا وعا بلادي ما بساوم
بالفرد بالسكين رح قاوم
بيبقى قرار الضمّ
حكم ظالم
وقهر الإراده وغدر مع عدوان
٣/٢٨
عماد فجر بعريني
