بكرا بعيد الجاي
بدّي أعمل جَرد
ومن حمرة خدودك
رح أقطف ورد
قومي أحضنيني بها الشتي
صاير بخاف من البرد
وأفرشي سجادة صلا
تا بلّش الليله بالزَهد
عشقي أنا ما بظنّ بدّو
الفاتحه والحَمد
ولا تسعفيني من حروق
نار المَهد
ماني ضليع بالبسمله
شايف برمشك مقتلي
وحاجب متل سيف الهلالي
بتّار جوّا الغمد
والخمر المعتّق عبالي أشربو
من راس النَهد
وعا نحرك الشفاف
بدّي أكتب وصيّه وعهد
خوفي إذا قبلتي بقبله
تزعل الشفّه
حتى إذ خمسه يمكن ما بتكفّي
بدي من القبلات أبعتلك طرد
ولا تستعجلي كتير
كرم العنب بعدو بأولو
والعسل سال
رح بلّش بقطف الشَهد
سبع الفلا يمكن أنا واكتر
بقلب العرين رح أقعد وأسكر
ورح حلل المُنكر
مين قلّك بخاف من الفَهد
٢/١٩ عماد فجر بعريني
