برسم من باعو الوطن...
ربّ عائله سوريه في
مخيّمات اللجوء من
ريف حلب يعرض للبيع
أبنه الخامس وعمره
خمس سنوات لـ عائله تركيه
نتيجة الجوع
لا تبيعني يا أبي
جوّهت عليك النبي
حبك بقلبي انحفر
من يوم بلّشت الدبي
أمي خسرناها زغار
وأختي راحت بالسبي
قطعه من الأكباد
أغلى من النقد الأجنبي
قتلو البراءه والحلم فينا
وسجّان
من خلف اسلاك مكهربي
يا حيف عا الوجدان عا الأنسان
صرنا بضاعه مهّربه
جوّهت عليك النبي
اتركني بحضنك يا أبي
ملعون بيّ الفقر
بمشي العمر حافي
بحمل جبل عا كتافي
باكل جمر بشفافي
بها العمر هادا مطلبي
جوّهت عليك النبي
متلك انا عندي عتب
لا حلب
لا حارتي لا ملعبي
للمدرسه
وأهلي وناسي وأقاربي
٣/٩ عماد فجر بعريني
