بدّي واسي اللبنانيي
جماعة ١٤ شباط
وال lbc والمنار
ومحطة تحسين الخياط
والحريري وحمادي
يلّي مبارح دبّو الصوت
ووأسي برّي وبشرّي
وبعين التينه بيت قماط
وبدي واسي بو تيمور
وليد بيك جنبلاط
عا كلبو اللي مبارح مات
كان عاقل ما بدّو رباط
إلهي يقدّس روحو
كان عا الكلبات نطّاط
وندر عليي جبلو كلب
جعاري من عند القرباط
وبدي واسي المختاره
روحت ها الكلب خساره
ويمكن انزل عا الحاره
واسي الحزب وبيت سماط
وبدي واسي عا الأكيد
بيت عيد. وحزب التوحيد
واطلع عا الجاهليه
أخد لا وئام صبّاط
وشدياق وغنوه جلول
ويمكن ما أترك مسؤول
ورح واسي ريّا الحسن
والأمن افراد وضبّاط
وبدي واسي الميشالين
معوّض والرئيس سليمان
وبقرادوني وسركسيان
والمفتي وبيت الملّاط
وبدّنا نعملّو تمثال
بهمة الوليد طلال
تمثال يكون من الدهب
٢٤ قيراط
ونصلّي بجامع طينال
وقبرو من غرانيت وبلاط
وبكرا بسبوع السبعه
بدي أعزم النبعه
وسنّ الفيل وبيت الجميّل
وبدي أدبح جوز قطاط
٣/٢٥
عماد فجر بعريني
