الليله رح هنّي التجار
بثورة ٨ آذار
يلّي نهبو المليارات
من الموارد والآبار
وعم فكر هنّي الأخوان
وجماعة عبدلله الأحمر
وشارون وموشي دايان
والشرع ونجاح العطار
والحكومه والنواب
وكلّ اللي أعتلو المنبر
وعم فكر هنيّ المختار
وبطريقي هنّي المخفر
وبدي واسي الفلاحين
والشعب السوري المسكين
وكلّ ضحايا البعثيين
اللي انحبسو سنين بالعمبر
وبدّي أترحمّ عا كرباج
عبد الحميد السرّاج
صرنا مزارع دجاج
وديوك فينا بتنقر
شو ها الثوره الترللي
ظلم حرمان مذلّه
بيي بزمانو قلّي
مصيبتنا حكم العسكر
ها الثوره متل القحبه
ركبوها الكلّ
وبلادي فيها ما ضلّ
لا ثوار ولا آثار
ها الثوره طلعت عوره
وعا بلادي عم بتحسّر
وحاجي تقولو فيه ثورات
كلّو ماسوني المصدر
٥ آذار عماد فجر بعريني
