الطاقه صارت بالبطاقه
تسلملي الأمبرياليه
وصار لازم نشكر الله
عنّا حكومه ذكيّه
وناطر بكرا بها الكم يوم
ننتج قنبله ذريّه
وحكومتنا الجذابه
يمكن تلغي الجاذبيه
بدي أشكر الحكومه
اللي نصّا أخونجيه
والنصّ الباقي تجار
وشبيحه عا حراميه
وبدي اشكر الأوقاف
والإداره المحليه
من ها التنظيم الشفّاف
ورح اشكر كلّ قبيسيه
والجمارك والتموين
عا ها الديموقراطيه
والأتصالات السلكيه
بصفقه طلائعيه
وبدي أشكر الإعلام
عا القدرات الجنسيه
وبدّي هنّي الشعب الصامد
اللي ورا اللقمه راكض
الموالي والمعارض
يلّي عقولن خشبيه
وغصب عنّي رح هنّي
هاالقياده القطريه
بالأضحى وبعيد الفطر
وبالحركه التصحيحيه
من خوفي من ولاد السلك
يحطو شي علّه فيي
مو ناقص غير يبنو حبس
للي بيمارس الجنس
وطابع ضريبي للنَفَس
وكشف وطابع للماليه
من التعب حالي كرهان
وجاي من العتوليه
٣/١ عماد فجر بعريني
