الحاله مليحه وعال العال
العيشه عنّا بأحسن حال
مو ناقصنا مندسين
ولا تصدّق كلشي بينقال
حكومتنا أحلى حكومه
من جيوبا بتوزع مال
ونحنا كرمالا متنا
حكومه ما فيها أندال
وعن موضوع الكرامه
موجوده مع كلّ الناس
ما عنّا ولا حرامي
ولا نصّاب ولا محتال
عنا قضاء وتعليم
والمشافي بأحسن حال
ببلادي ما في جوعان
الله يحميها من العين
فيني أفطر باليونان
وأتغدى بالبرتغال
وببلادي ما فيه سجون
وأحسن دستور وقانون
لا تقولو عنّي مجنون
أو عليكم عم بحتال
يوميّه بيجيني ضيوف
شاليش ورامي مخلوف
كرهنا لحمة الخاروف
وعم ناكل فرّي وحجال
وبلادي أمن وآمان
من القامشلي لا الجولان
ومن الشقيق لبنان
لا أقاصي البوكمال
جيت فايق
٣/١٧ عماد فجر بعريني
