إلى أنذال هذا الزمن

^{إلى أنذال هذا الزمن}

^{حاجه عليي تتجبّر
وتعملّي حالك فهمان}

^{لسّا مبارح عا الجبهه
العالم شايفتك هربان}

^{ماشي بالضيعه تعريم
ومبلّش فيي تقزيم
عامل زعيم ميس الريم
وحاطط عا خصرك فردين}

^{ولا تقلّي نحنا ونحنا
وتعمل حالك سوبّر مان}

^{فيق عا حالك يا سبع
برّا الضيعه حقّك ربع
شبّهتك بفرخ الضبع
وخلفك عم تمشي جقلان}

^{المنصب ما بيعمل رجّال
والسعاده مو بالمال
لو بتصير جنرال
وعا كتفك نجمه وسَيفان}

^{رح يبقى اسمك علوش
لو صرت قائد جيوش
بيّك عاش بالحروش
وجدك كان اسمو شدهان}

^{حاجه ترقص شرقي وروك
أهلك ما عادو حبّوك
وجماعة الفايسبوك
كرهوك رجال ونسوان
٧/٢٢
عماد فجر بعريني}