أعطوني وطن
تا موت كرمالو
اعطوني حلم
تا النجم طالو
لا تتاجرو فيي بأسم الوطن
وتقتلو ولادي من خلالو
وتنهبو خيرات الوطن
وببنوك العدا تصير أموالو
الوطن مو حصهّ
وشعب بألف غصه
وكل مسؤول
شو بيطلع ببالو
اعطوني وطن
تا اقبل بجوعي
اعطوني وطن وكسرو ضلوعي
بكفكف عيوني من الحزن كرمالو
الوطن مو قبيسيه وحسينيه
ومزارع عشائريه
الوطن اكبر من مرجعيه
قطّعت أوصالو
وبشوف حريتي واسمي
من خلالو
من الغرب حتى الشرق
ومن جنوبو لا شمالو
لا توجهّو كل التهم
وتحطو بقلبي سهم
ولا تفكّرو ناقصني فهم
وطني بفلاحيه وعمّالو
الوطن ارض وشمس
والوطن عزة نفس
ببحر وجبل وسهولو وتلالو
بركع لأرض الوطن
وكرمالو بلبس كفن
وبصلّي الاوقات الخمس
من خلالو
الوطن ما بيقبل بعيشتي مظلوم
الوطن ما بيقبل عيش محكوم
الوطن متل النبي معصوم
الوطن بأهلو عزيز
مو متل ما قالو
الوطن مو لفلان
ومو للأجنبي وأردوغان
ومو مبغى لا بن سلمان
وعمومتو وخوالو
وسلطان مع غلمان
وقهر مع سجّان
وفقر مع حرمان
الوطن برجالو
المحروم بوطنو غريب
الله يرحم اللي هيك قالو
٨/٧
عماد فجر بعريني
