Na xema min…!!
Li raserî qêrîna te
Cîhana şaristanîye ne razaye
Kirasê wê li xernûfê ne geriyaye
 Padîşah e
siwara pêla derya ye
li dîmenê dinihêre
gernijînan dihinêre…
çalak e
ne wisa bi hînûmîne
sotemenîya alava wê xwîn e
li gorî hewesa xwe
bablîsokan digerîne !…
18/12/2018.z
 *******************

Serpêçî

 dîn im di çerxa demê de
qalikê hiş vedikim
 hildibirim,
damarên pengexwînê
 li ber pildana evînê…

 Li ser pêlên serpêçiyê
Xwe zer dikim pêsîrên asîmanan
goşiyên helawistî
Bi ser devê arezûyan de digvêşim
Û hevsarê dawerê
Ji destên yezdan dikêşim.
4/11/2018.z
 *********************