باب الحارة العالمي.
م٥ المكان البيت الابيض ل. د
بولتون: هلا انت مصدق اردوغان يا زعيم. ومفكر إذا دخل على المنطقة راح يفرق بين كردي مسلح وكردي مو مسلح؟
ترامب: هو وعدني هيك.
بولتون: هاد ابو بلال واحد نمس زعيم. شو ما عم تسمع عمايلو بعفرين؟ الله وكيلك كلابو المسلحين الاسلاميين عم ينهشو نهش بعفرين.
ترامب: باطل.
بولتون: وبدي أقص شواربي هدول والبس لباس حريمه لو ماعمل أكثر من هيك في الجزيرة.
ترامب: تخسا تقص شواربك منشان واحد حريمه. خلص لعيونك. بكرا اشمطو تغريدة تجيب أجلو.
بولتون : كفو زعيم. الله محيو. وياريت تنبه جماعتنا byd بلالهم ها الحركات الصبيانية.
ترامب : هدول جننوني يا ابا البولت. كل ما نصرح ونقول: مالهم علاقة بحزب العمال. بيجو ثاني يوم ويرفعوا صور أوجلان بسوريا. ويروحو على حدود تركيا يسبوا أبو بلال.
بولتون: والله معك حق زعيم. بس معهم معهم يتعلموا سياسة.
ترامب: انشاء الله. بس والله مو مبين . وهلا خليني اظبط تغريدة على كيف كيوفي.
بولتون: الله يخلينا ياك زعيم. (يضحك)
ترامب: خير ضحكنا معك؟!
بولتون: بكرا يتهمك ابو بلال انك صاير من جماعة الابوجيه.
ترامب: أي مو أحسن ما يتهموني الابوجية باني انكساوي وعميل أردوغان؟
(يضحكان. موسيقى باب الحارة.)
قطع
